Hadisə

Qobustanda avtomobil yolunun yaxınlığında top mərmisi tapıldı - (Video)

18 Noyabr 2026 10:44
Baxış: 140
VTB-də minimal faiz dərəcəsi ilə nağd kredit 9.9%-dən

Qobustan rayonunda avtomobil yolunun yaxınlığında partlamamış hərbi sursat aşkarlanıb.

Milli.Az xəbər verir ki, bu barədə Fövqəladə Hallar Nazirliyi (FHN) məlumat yayıb.

Bildirilib ki, nazirliyin "112" qaynar telefon xəttinə Bakı-Şamaxı-Yevlax avtomobil yolunun Qobustan rayonundan keçən hissəsinə yaxın ərazidə sursat tapılması barədə məlumat daxil olub.

Məlumat əsasında FHN-in Xüsusi Riskli Xilasetmə Xidmətinin minalardan təmizləmə üzrə çevik qrupu dərhal hadisə yerinə cəlb edilib.

Hüquq-mühafizə orqanlarının əməkdaşları ilə birgə ərazidə təhlükəsizlik tədbirləri görüldükdən sonra aşkarlanan sursatın 100 mm-lik OF-412 top mərmisi olduğu müəyyən edilib.

Mərmi mütəxəssislər tərəfindən zərərsizləşdirilməsi üçün ərazidən götürülərək kənarlaşdırılıb.

Ərazidə aparılan əlavə axtarışlar zamanı başqa təhlükəli və ya şübhəli əşya aşkarlanmayıb.

Müəllif: Malik Məlikov (Milli.Az redaktor)

Azernews Newspaper

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.