Şou-biznes

"Səhnəyə çıxmağa yarım saat qalmış ölüm xəbərini eşitmişdim"

26 May 2026 09:30

Baxış: 2 116

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #ƏMƏKDAR ARTİST #AKTYOR

Əməkdar artist Anar Heybətov səhnə həyatı ilə bağlı etdiyi açıqlamalarla diqqət çəkib.

Milli.Az xəbər verir ki, aktyor qatıldığı televiziya proqramında ən ağır günlərində belə tamaşaçı qarşısına çıxmaq məcburiyyətində qaldığını bildirib. O, yaxınlarını itirdiyi günlərdə belə səhnədən uzaqlaşmadığını deyib.

Sənətçi anasının vəfat etdiyi günlərdə premyera tamaşasında iştirak etdiyini xatırladıb. O qeyd edib ki, atasını və əmisini itirdiyi zaman da tamaşa günü olub və ölüm xəbərini səhnəyə çıxmağa yasrım saat qalmış alıb:

"Çox çətin anlar yaşamışam. Amma buna baxmayaraq səhnəyə çıxıb tamaşanı oynamışam".

Anar Heybətov mərhum rejissor Azər Paşa Neymətovun vəfat etdiyi gün yaşananları da xatırlayıb. Aktyor bildirib ki, həmin gün teatr kollektivi tamaşanı təxirə salmayaraq səhnəyə çıxıb.

Əməkdar artist teatr sənətində tamaşaçı məsuliyyətinin çox böyük olduğunu vurğulayıb:

"Tamaşaçının günahı yoxdur. İnsan bilet alıb gəlirsə, sən səhnəyə çıxmalısan".

Aktyor əlavə edib ki, bəzən yüksək hərarət və ağır psixoloji vəziyyətdə də tamaşa oynayıblar. Onun sözlərinə görə, səhnəyə çıxanda bütün ağrı-acılar bir anlıq unudulur, tamaşa bitdikdən sonra isə insan yenidən öz dərdi ilə üz-üzə qalır.

Sənətçinin bu fikirləri sosial şəbəkələrdə izləyicilər tərəfindən duyğusal qarşılanıb.

Musa
Milli.Az