Şou-biznes

"Uzak Şehir"də sürpriz ayrılıq

26 May 2026 19:18
Baxış: 421
VTB-də minimal faiz dərəcəsi ilə nağd kredit 9.9%-dən
#SERİALLAR

"Uzak Şehir" serialında Demir Baybars obrazını canlandıran Ferit Kaya layihədən ayrılır.

Milli.Az bildirir ki, aktyor mövsüm finalından sonra seriala vida edəcək. Bildirilib ki, çəkiliş heyəti Ferit Kaya üçün xüsusi vida mərasimi təşkil edib və aktyora tort kəsilib.

Serialda sərt xarakterlərdən biri kimi tanınan Demir Baybars xüsusilə Albora ailəsi ilə yaşadığı qarşıdurmalarla diqqət çəkirdi.

Ferit Kaya sosial şəbəkə hesabında da "Sənin üçün darıxacağam, Demir Baybars" paylaşımı edib.

Baş rollarında Ozan Akbaba və Sinem Ünsalın yer aldığı serialın 63-cü bölümdə mövsüm finalı edəcəyi bildirilib. Layihə iyunun 1-dən etibarən yay fasiləsinə çıxacaq.

Məlumata əsasən, serialda Boran obrazını canlandıran Burç Kümbetlioğlu və Şahin rolunda çıxış edən Alper Çankaya da mövsüm sonunda heyətlə vidalaşacaq.

Qeyd edək ki, "Uzak Şehir" 2017-ci ildə yayımlanan Livan istehsalı Al Hayba serialının Türkiyə adaptasiyasıdır. Serialın süjeti həyat yoldaşının ölümündən sonra Kanadadan Mardinə gələn Alya Alboranın yaşadığı hadisələr ətrafında qurulub. (Demokrat.az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.