İdman

Qvardiolanın yerinə o gəldi

26 May 2026 23:39
Baxış: 1 254
VTB-də minimal faiz dərəcəsi ilə nağd kredit 9.9%-dən
#MANÇESTER SİTİ

"Mançester Siti"də Pep Qvardiolanın gedişindən sonra boş qalan posta gətirilən Enzo Mareska klubla rəsmi müqaviləyə imza atıb.

Milli.Az qafqazinfo-ya istinadən xəbər verir ki, bu barədə məşhur insayder və idman jurnalisti Fabritsio Romano özünün sosial şəbəkə hesabında məlumat paylaşıb.

İnsayderin sözlərinə görə, yeni baş məşqçinin təyinatı ilə bağlı rəsmi açıqlama çox yaxın vaxtlarda klub tərəfindən elan olunacaq.

Mənbənin əldə etdiyi məlumata görə, 46 yaşlı italiyalı mütəxəssis "şəhərlilər"lə 2029-cu ilin yayına qədər qüvvədə olacaq uzunmüddətli müqavilə bağlayıb. Rəhbərlik yeni baş məşqçiyə olan böyük etimadının göstəricisi olaraq komandanın transfer strategiyasını təkbaşına formalaşdırmaq üçün Mareskaya tam səlahiyyət verib.

Qeyd edək ki, E. Mareska üçün "Mançester Siti" yad məkan deyil. O, 2022-2023-cü illərdə (klubun trebl etdiyi mövsümdə) Pep Qvardiolanın məşqçilər heyətində onun köməkçisi kimi yer alıb. İtaliyalı mütəxəssis daha əvvəl klubun gənclər komandasına da uğurla rəhbərlik edib və bu baxımdan klubun daxili strukturuna yaxından bələddir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.