Ölkə

21 yaşlı Niyazın faciəli ölümü ilə bağlı yeni detallar

5 Avqust 2026 00:24

Baxış: 328

VTB-də minimal faiz dərəcəsi ilə nağd kredit 9.9%-dən

#DƏNİZDƏ BOĞULMA

Bilgəhdə 21 yaşlı Niyaz Pirməmmədovun boğularaq ölümü ilə nəticələnən faciənin təfərrüatları məlum olub.

Milli.Az xəbər verir ki, mərhumun əmisi Nafeh Pirməmmədov Niyazın ailənin tək oğlu olduğunu bildirib:

"Üçüncü kursa keçmişdi. Evin tək oğlu idi, ailədə üç bacı, bir qardaş idilər".

Qonşularından biri isə hadisənin hansı şəraitdə baş verdiyini açıqlayıb:

"Xəbər həm bizim, həm də bütün kənd üçün çox üzücü oldu. 21 yaşlı belə savadlı gəncin bu şəkildə dənizdə batması hamımızı sarsıtdı. Dörd dost olublar, Niyaz batmağa başlayanda digər üç nəfər ona kömək etmək istəyib və nəticədə hamısı batmaq təhlükə ilə üzləşib. Təəssüf ki, Niyazı xilas etmək mümkün olmadı".

Qeyd edək ki, Fövqəladə Hallar Nazirliyindən (FHN) verilən məlumata görə, dalğıc-xilasedicilərin operativ əməliyyatı nəticəsində - 2001-ci il təvəllüdlü Məhəbbət Fətəliyev, 2000-ci il təvəllüdlü Sahil Mustafayev və 2001-ci il təvəllüdlü Elburus Cəlalov xilas edilib. (Baku.tv)

Müəllif: Ülkər Vəliyeva (Milli.Az redaktor)