Dünya

Nyu-York metrosunda yanğın: 12 nəfər tüstüdən zəhərləndi

4 Avqust 2026 17:18

Baxış: 249

VTB-də minimal faiz dərəcəsi ilə nağd kredit 9.9%-dən

Nyu-York metrosunda texniki qatarda baş verən yanğın nəticəsində 12 nəfər tüstüdən zəhərlənib.

ABC telekanalının yaydığı məlumata görə, hadisə gecə saatlarında baş verib.

Yanğın nəticəsində İst-Villic ərazisində yerləşən "Astor Place" stansiyası tüstü içində qalıb. Hadisədən sonra həmin istiqamətdə qatarların hərəkəti müvəqqəti olaraq dayandırılıb.

Nyu-York Yanğınsöndürmə Departamentinin rəis müavini Tom Kurrao bildirib ki, zərərçəkənlərdən 7-si Nəqliyyat İdarəsinin əməkdaşı, 5-i isə yanğınsöndürəndir. Onların tüstüdən zəhərləndiyi qeyd olunub.

Məlumata görə, xidmət əməkdaşları relslərin təmizlənməsi və təhlükəsizlik yoxlamalarından sonra metro xəttində hərəkətin bərpası üçün işlər aparıblar.

Müəllif: Malik Məlikov (Milli.Az redaktor)

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ