Tualet kağızı tarixə qovuşur: Yüzillik vərdiş dəyişir

Mütəxəssislər yüz ildən artıq müddətdir istifadə edilən tualet kağızının gigiyena və ətraf mühit problemləri səbəbindən yerini su əsaslı ağıllı sistemlərə verəcəyini açıqlayıblar.

Milli.Az xəbər verir ki, qlobal miqyasda artan ekoloji həssaslıq və gigiyena standartları tualet kağızı istifadəsini sürətlə azaldır. Santexnika istehsalçıları və səhiyyə mütəxəssisləri yaxın gələcəkdə tualet kağızının tamamilə tərk edilərək su yönümlü təmizlik texnologiyalarına keçiləcəyini bildirirlər.

Tualet kağızı niyə tərk edilir?
Mütəxəssislər kağızın kiri yalnız mexaniki olaraq uzaqlaşdırdığını, suyun isə dəri üzərində qat-qat təsirli təmizlik təmin etdiyini vurğulayırlar. Eyni zamanda, milyonlarla ton tualet kağızı istehsalı üçün sərf olunan ağac, su və elektrik kimi nəhəng təbii sərvət istehlakı bu texnoloji dəyişikliyi zəruri edir.

Ən güclü alternativ: Bide sistemləri (özüyuyan unitaz)
Tualet kağızına qarşı ən geniş yayılmış seçim kimi önə çıxan bidelər Avropa, Asiya və Yaxın Şərqdə standart hamam avadanlığına çevrilib. Su temperaturuna nəzarət və isti hava ilə qurutma xüsusiyyətləri təqdim edən müasir bidelər yeni yaşayış layihələrində və otellərdə tez-tez üstünlük verilir.

Kiçik sahələr üçün gigiyenik duş həlli
Bide sistemlərinə nisbətən daha aşağı xərcli olan gigiyenik duşlar dar hamamlara asanlıqla quraşdırıla bilir. Bu sistem su ilə sürətli təmizlik təmin edərək kağız istifadəsini yalnız qurutma əməliyyatı ilə məhdudlaşdırır və ya şəxsi dəsmallarla kağız ehtiyacını tamamilə sıfırlayır.

Yaponiyanın ağıllı tualet texnologiyası yayılır
Yaponiyada standartlaşan və dünyaya sürətlə yayılan ağıllı tualetlər tualet kağızı ehtiyacını tamamilə aradan qaldırır. Bu cihazlar su təmizləmə, istilik tənzimləmə, isti hava ilə qurutma, qoxu uzaqlaşdırma və özünü təmizləmə kimi funksiyaları avtomatik olaraq həyata keçirir.

Müəllif: Ülkər Vəliyeva (Milli.Az redaktor)