Ölkə

Tanınmış həkimin səs yazısı yayıldı - iddia

4 Avqust 2026 20:53

Baxış: 434

VTB-də minimal faiz dərəcəsi ilə nağd kredit 9.9%-dən

#VİDEO #HƏKİM

Sumqayıt Tibb Mərkəzində çalışan tanınmış uşaq kardioloqu Elnur İmanovun səsinin yer aldığı iddia olunan audioyazı yayılıb.

Milli.Az "Bakupost"a istinadla xəbər verir ki, audioyazıda icbari tibbi sığorta ilə müraciət edən xəstələrdən exokardioqrafiya müayinəsinə görə ödəniş tələb edilir.

Həmçinin o da aydın olur ki, iki uşağın müayinəsi üçün ümumilikdə 10 manat istənilir. Pasiyent isə həmin şəxsdən kart nömrəsini alır ki, ödəniş etsin.

Qeyd edək ki, İcbari Tibbi Sığorta çərçivəsində göstərilən xidmətlərə görə qanunvericiliyə əsasən vətəndaşlardan əlavə ödəniş alınması yolverilməzdir. Məsələdən hazırda Sumqayıt Tibb Mərkəzinin direktoru vəzifəsini icra edən direktor müavini Təranə Rəcəblinin də məlumatlı olduğu iddia edilir.

Məsələ ilə bağlı açıqlama verən Elnur İmanov iddiaları qəti şəkildə təkzib edib.

Müəllif: Ülkər Vəliyeva (Milli.Az redaktor)