Sağlamlıq

Dünyanın ən yaşlı qadını uzunömürlülüyün sirrini açıqladı - FOTOlar

28 Sentyabr 2023 23:00

Baxış: 1 371

VTB-də minimal faiz dərəcəsi ilə nağd kredit 10.49%-dən

#SAĞLAMLIQ

117 yaşını qeyd edən braziliyalı Sisera Maria dos Santos uzun ömür sürməyin sirrini paylaşıb. Ailəsi onun dünyanın ən yaşlı qadını kimi tanınması üçün "Ginnesin Rekordlar Kitabı"na ərizə təqdim edib.

Milli.Az oxu.az-a istinadən bildirir ki, əgər qadının doğum tarixi düzgündürsə, o, hazırkı rekordçu - ispaniyalı 116 yaşlı Maria Branas Moreradan bir yaş böyükdür.

Sentyabrın 23-də braziliyalı 107 yaşlı bacısı, uşaqları və nəvələri ilə birlikdə ad gününü qeyd edib. Qadın bayram şərəfinə uzunömürlülüyünün sirlərini açıqlayıb. Onun sözlərinə görə, tanrıya iman onun qocalığını yaşamasına və bütün çətinliklərdən keçməsinə kömək edib.

"Tanrı hamımızı qorusun. Tanrıdan başqa kim edə bilər? Hər şey tanrıdır", - deyə o bildirib.

Bacısı Cozefa isə uzun ömür sürməsinin səbəbi kimi düzgün qidalanmalarını göstərib və bildirib ki, yeməkdə lobya, qarğıdalı, manok, kartof kimi tərəvəzlərdən çox istifadə edirlər.

Sisera Maria dos Santos 1906-cı ildə anadan olub. Özü və ailəsi fermer olan braziliyalı bütün ömrünü Paraiba şəhəri yaxınlığındakı kəndlərdə keçirib və həyatının çox hissəsində yerli bazarda toyuq satıb.

Milli.Az