İqtisadiyyat

Azərikard Mastercardla strateji tərəfdaş oldu

24 Noyabr 2022 14:54
Baxış: 592

Azərbaycanın ilk və ən böyük prosessinq mərkəzi olan Azərikardla Mastercard beynəlxalq ödəniş təşkilatı arasında strateji tərəfdaşlığa dair Anlaşma Memorandumu imzalanıb.

Strateji tərəfdaşlıq çərçivəsində müştərək layihələr icra ediləcək. O cümlədən kart biznesi və fintech istiqamətinin inkişafı üçün ən yaxşı qlobal və regional təcrübələr öyrəniləcək, bu sahədə qarşılıqlı əməkdaşlıqqurulacaq.

Azərikard şirkətinin Baş direktoru Fərid Quliyev bildirib: "Mastercardla Azərikardın strateji partnyorluğu təşkilatların fəaliyyətinə dəyər qatacaq və mövqelərinin daha da möhkəmlənməsində əhəmiyyətli rol oynayacaq. Azərikard ödəniş sahəsində Mastercardın təşəbbüslərini dəstəkləyir, bu istiqamətdə ən müasir təcrübənin ölkəmizə gətirilməsini prioritet hesab edir".

"Azərikard və Mastercard arasındakı bu strateji əməkdaşlıq ödəniş biznesinin inkişafına töhfə verəcək, yeni innovativ həllərə yol açacaq. Daha inkluziv maliyyə məhsulları və xidmətləri, daha yaxşı istifadəçi təcrübəsi yaratmaq üçün Azərikardla yeni tərəfdaşlığımız sayəsində Mastercardın qlobal bilik və bacarıqlarını paylaşacağımıza çox şadıq" deyə Mastercardın Azərbaycan və Türkiyə üzrə meneceri Avşar Gurdal bildirib.

 

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics