İqtisadiyyat

Avropada avtomobil satışı azalıb

21 Aprel 2022 08:22

0 Şərh Baxış: 1 395

#AVTO

Avropa İttifaqında mart ayında 844 187 yeni avtomobil satılıb. Bu da ötən ilin müvafiq dövrü ilə müqayisədə 20,5% azdır.

Milli.Az APA-ya istinadən xəbər verir ki, statistikanı Avropa Avtomobil İstehsalçıları Assosiasiyası yayıb.

Qurum bildirir ki, martda satılan avtomobil sayı 2019-cu ilin müvafiq dövrü ilə müqayisədə 3 dəfə azdır. Bu həm də, 1990-cı ildən sonra qeydə alnmış ən aşağı göstəricidir.

Satışların azalması ölkələr üzrə kəskin şəkildə fərqlənir. Geriləmə Polşada 17,4%, Almaniyada 17,5%, Belçikada 17,7%, Fransada 19,5%, İtaliyada 29,7%, İspaniyada 30,2%, İsveçdə isə 39,5% olub.

Markalar üzrə gerilməməyə gəlincə: qitənin ən böyük avtomobil istehsalçıları olan "Volkswagen"in satışları 24,3% azalıb.

Regionun ikinci avtomobil istehsalçısı olan "Stelantis" qrupunun satışları 33, bazar payı 20% geriləyib.

"Renault" qrupunun satışları isə 14,5% geriləyib.

Ümumilikdə il başlayandan qitədə 2 milyon 240 min təzə avtomobil satılıb ki, bu da ötən ilin müvafiq dövründəkindən 12,3% azdır.

Milli.Az