Mədəniyyət

İki möhtəşəm iyun gecəsi - “Ocaq” Müasir Sənət Mərkəzi “Bakı gecələri” layihəsini təqdim edəcək - VIDEO

29 Aprel 2026 19:31

Baxış: 376

VTB-də minimal faiz dərəcəsi ilə nağd kredit 9.9%-dən

Azərbaycanın mədəni həyatına yeni bir ünvan əlavə edilir. Bu, "Ocaq" Müasir Sənət Mərkəzi"dir.

20 - 21 iyun tarixlərində "Ocaq" Yaşıl Teatrda "Bakı gecələri" layihəsini təqdim edəcək, paytaxtımızın yay gecələrinə gözəl əhval-ruhiyyə və həzinlik qatacaq.

İyunun 20-də, saat 20.00 - da "Bakı gecələri"ndən 1-cisi "Azərbaycan kinosunun qızıl fondu" adı altında kino musiqimizə həsr ediləcək. Burada milli kinomuzun ən sevilən və yadda qalan mahnıları ölkənin tanınmış ifaçıları, həmçinin aktyorlarımız tərəfindən səsləndiriləcək. Bu gecə kino musiqisinin unudulmaz atmosferini canlandıracaq, özəlliyi ilə hər kəsin zövqünü oxşayacaq.

İyunun 21-də, saat 20.00-da isə Azərbaycan Dövlət Akademik Musiqili Teatrının təqdimatında dahi bəstəkar Üzeyir Hacıbəylinin "O olmasın, bu olsun" operettası ilk dəfə olaraq açıq səma altında nümayiş etdiriləcək.

"Ocağ"ın bu unudulmaz gecələrində xalq artistləri Flora Kərimova, Niyaməddin Musayev, Hacı İsmayılov, İlham Namiq Kamal, Həmidə Ömərova, həmçinin Əməkdar artistlər Gülüstan Əliyeva, Lalə Məmmədova, Aqşin Abdullayev, ifaçılar Fatimə Cəfərzadə, Amil Həsənoğlu, Kamilə Nəbiyeva, Aşıq Əli, Zabitə Alıyeva, Səbinə Ərəbli, Ayaz Qasımov, İlkin Fuad, Həyat Məmmədova, Zeynal Əhmədov, Ərəstun Quliyev və gənc ifaçı Sevgim tamaşaçılara xoş dəqiqələr bəxş edəcəklər.

Yeni orkestr təqdimatı, rəqs qrupu, xüsusi hazırlanmış ssenari gecəyə sehr qatacaq.
Qeyd edək ki, "Bakı gecələri" layihəsi mədəniyyət səhəsində fərqli formatda təqdim olunacaq tədbirlər toplusudur, özündə yüksək zövqü ehtiva edir, bilavasitə geniş tamaşaçı auditoriyası üçün nəzərdə tutulur.

Layihənin ideya rəhbəri Əməkdar artist Ramil Qasımovdur.

İnformasiya dəstəyi - Trend.Az, Day.Az, Milli.Az, Azernews.Az