Mədəniyyət

“Kiçik Dəniz Küçəsi” silsilə konsertləri çərçivəsində keçirilən IV konsert uğurla baş tutdu - FOTO

29 Aprel 2026 16:52

Baxış: 295

VTB-də minimal faiz dərəcəsi ilə nağd kredit 9.9%-dən

"Kiçik Dəniz Küçəsi" silsilə konsertləri çərçivəsində keçirilən IV konsert uğurla baş tutdu. Gecədə öncəliklə musiqişünas Sara Timurova çıxış etdi.

Konsert dirijor Əyyub Quliyevin rəhbərliyi, Q.Qarayev adına Azərbaycan Dövlət Kamera Orkestrinin müşayiəti ilə müasir Azərbaycan bəstəkarlarının əsərlərindən ibarət zəngin proqram təqdim olundu. İlk olaraq Ayaz Qəmbərlinin violin və orkestr üçün Arif Məlikovun xatirəsinə həsr olunmuş "Memorial" əsəri səsləndirildi. Əsərin solisti violin ifaçısı Ümid Mustafazadə oldu.

Daha sonra Səid Qəninin simli və zərb alətləri üçün yazdığı "Ulduz beşiyi" əsəri təqdim olundu. Bu əsərdə solistlər Yusif Əlizadə, Səma Qanbayeva və Rəsul Zülfüqarlı çıxış etdilər.

Konsert Türkər Qasımzadənin Adil Mirseyidin sözlərinəbəstələdiyi səs, gitara və simlilər üçün "İki nəğmə" əsəri ilədavam etdi. Əsərin ifasında solistlər Fəridə Məmmədova vəRaul Hüseynov (soprano və gitara) dinləyicilərin rəğbətini qazandı.

Gecənin finalında Tahir İbişovun piano və orkestr üçün Konserti səsləndirildi. Əsərin solisti pianoçu Atabala Manafzadə oldu.

Konsert boyu musiqişünas Sara Timurova əsərlər arasında çıxış edərək proqram haqqında musiqisevərlərə məlumat verdi.

Beləliklə, "Kiçik Dəniz Küçəsi" silsilə konsertlərinin IV axşamı yüksək peşəkarlıqla təqdim olunaraq böyük maraq vəalqışla qarşılandı.

İnformasiya dəstəyi - Trend.Az, Day.Az, Milli.Az