Şou-biznes

"İlk Zaurun verilişinin bağlanmasını GÖZLƏYİRDİM"

29 Aprel 2026 16:20

Baxış: 771

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #QALMAQAL #ŞOU #TV #APARICI

Prodüser və aparıcı Tarix Əliyev (Tolik) qalmaqallı açıqlamaları ilə yenidən diqqət mərkəzinə düşüb.

Milli.Az xəbər verir ki, o, qatıldığı verilişdə televiziya layihələri və efirdə baş verən hadisələr barədə danışaraq bir sıra maraqlı məqamlara toxunub. Tolik bəzi proqramların bağlanmasından və əvvəlki illərdə efirdə müzakirə yaradan mövzulardan söz açıb.

Aparıcı xüsusilə Zaur Nəbiyev ilə bağlı fikirləri ilə gündəm olub. O bildirib ki, rəqib verilişlərin mövzularından ilham aldıqlarını gizlətmir və bəzi hallarda onları geridə qoyduğunu iddia edib.

Tolik çıxışında efirdə yaşanan qalmaqallı hadisələrə də toxunub. O, vaxtilə Ofeliya Şabanova ilə bağlı baş verən müzakirəli məqamı xatırladaraq, həmin hadisənin öz verilişində daha çox diqqət çəkdiyini vurğulayıb:

Prodüser və aparıcı Tarix Əliyev (Tolik) televiziya efirində veriliş apararkən Ofeliya Şabanovaya ərinin corabını efirdə yuduzdurub və bu barədə aparıcı Zaur Nəbiyevi üstələdiyini deyərək öyünüb:

"İlk olaraq Zaur Nəbiyevin verilişinin bağlanmasını gözləyirdim. Çünki mənimlə Elgizin efirindən əvvəl evli kişidən uşaq doğma, corab məsələsi, Şəbnəm-Vəfa davalarının hər birinin təməli o verilişdə qoyulmuşdu. Biz də ondan bəhrələnmişik. Ofeliya Şabanova Zaurun efirində dedi ki, ərimin corabını yuyuram, amma efirdə yumadı. Mənim verilişimdə isə yuduzdurdum. Bu məsələdə Zauru 1:0 keçdim. Rəqsanə həbsxanadan çıxanda yenə onu keçdim. Aqşin Fateh 5 ay idi efirə çıxmırdı, bizim verilişə çıxıb danışdı. Həmin vaxt ikimiz ön planda idik".

Tolikin səsləndirdiyi fikirlər sosial mediada geniş müzakirələrə səbəb olub və istifadəçilər tərəfindən fərqli reaksiyalarla qarşılanıb.

Musa
Milli.Az