Maraqlı

Ən səmərəli gübrəni hər axşam evimizdə istehsal edirik

27 Aprel 2026 00:25

Baxış: 14 347

VTB-də minimal faiz dərəcəsi ilə nağd kredit 9.9%-dən

#MARAQLI

İllərdir tullantı kimi baxılan çay qalığı həm torpağın məhsuldarlığını artırması, həm də sənayedə xammal kimi istifadə edilməsi ilə artıq ticari dəyər qazanıb.

Milli.Az xəbər verir ki, çay dəmi azot baxımından olduqca zəngindir. Torpağa qarışdırıldıqda yavaş təsirli gübrə funksiyasını yerinə yetirərək bitki köklərini uzun müddət qidalandırır. Xüsusilə asidik torpağı sevən bitkilər (məsələn: qızılgül, azaliya) üçün pH balansını tənzimləyən ən yaxşı vasitədir.

Bu qəhvəyi tullantılar torpağın nəm saxlama qabiliyyətini artırır. Bu isə bitkilərin quraqlığa qarşı müqavimətini gücləndirir, suvarma ehtiyacını azaldır və torpağın havalandırılmasını (drenaj keyfiyyətini) yaxşılaşdırır.

Çay çöpündən maksimum yararlanmaq üçün mütəxəssislər bəzi vacib məqamlara diqqət çəkir:

Bitkilərdə həşəratlanma və kif yaranmaması üçün çay mütləq şəkərsiz olmalıdır.

Dəmi yüngülcə qurudaraq torpağa qarışdırmaq daha effektivdir.

Həftəlik olaraq dibçəklərə əlavə edilən bir neçə qaşıq çay dəmi bitkilər üçün ən ucuz və təbii inkişaf dəstəyidir.

Lalə Qüdrətova
Milli.Az