Sağlamlıq

Bazarda 4 manata satılan bu möcüzə təzyiqi stabilləşdirir

25 Aprel 2026 23:06

Baxış: 20 045

VTB-də minimal faiz dərəcəsi ilə nağd kredit 9.9%-dən

#SAĞLAM QİDA

Görünüşünə görə kartofla qarışdırılan, lakin tibbi xüsusiyyətlərinə görə "təbii təzyiq tənzimləyicisi" adlandırılan yerarmudu, müasir tibbin diqqət mərkəzindədir.

Milli.Az xəbər verir ki, yerarmudu çox yüksək miqdarda kalium ehtiva edir.

Kalium orqanizmdəki natriumun (duzun) damar divarları üzərindəki mənfi təsirlərini minimuma endirir.

Bu proses qan damarlarının genişlənməsinə və yüksək qan təzyiqinin normal səviyyəyə düşərək sabitləşməsinə kömək edir.

Yerarmudunu digər kök tərəvəzlərdən fərqləndirən ən vacib xüsusiyyət tərkibində nişasta yerinə inulin ehtiva etməsidir.

İnulin qan şəkərində qəfil dalğalanmalara yol açmır və aşağı qlisemik indeksi ilə metabolik balansı dəstəkləyir.

Bağırsaq florasını yaxşılaşdıraraq dolayı yolla ürək və damar sağlığını qoruyur.

Mütəxəssislər yerarmudundakı faydalı maddələrin istilik təsirindən (bişdikdə) quruluşunu dəyişə biləcəyini vurğulayırlar.

Ən yüksək faydanı çiy halda istehlak etdikdə verir.

Qabıqları soyularaq və ya yaxşıca fırçalanaraq salatlara əlavə edilə bilər.

Üzərinə limon sıxıldıqda həm rəngi qaralmır, həm də tərkibindəki dəmirin bədən tərəfindən mənimsənilməsi maksimum səviyyəyə çatır.

Lalə Qüdrətova
Milli.Az