Dünya

Şəhərə dünyanın 13-cü ən yüksək binası gəlir: İçindən metro keçəcək

29 Aprel 2026 19:25

Baxış: 492

VTB-də minimal faiz dərəcəsi ilə nağd kredit 9.9%-dən

#DÜNYADA

Meksikanın Monterrey şəhərində ucaldılan 484 metr hündürlüyü və 99 mərtəbəsi ilə bu bina demək olar ki, kiçik bir şəhəri tək dam altında toplayacaq. Amerikada hündürlüyünə görə bu bina ilə yalnız Nyu-Yorkdakı məşhur "One World Trade Center" rəqabət apara bilər.

Milli.Az xəbər verir ki, Santa-Katarina çayının sahilində yüksələn "Rise Tower" sadəcə şüşə və betondan ibaret deyil. Binanın daxilində çoxşaxəli həyat mərkəzi qurulur:

Lüks yaşayış və ofislər: Müasir iş və həyat sahələri.

360° mənzərəli terras: Şəhəri buludların üzərindən izləmək imkanı.

Dünyanın ən hündür zipline xətti: 400 metr yüksəklikdə adrenalin həvəskarları üçün xüsusi attraksion.

Kultural mərkəzlər: İncəsənət qalereyaları və restoranlar bir arada.

"Torre Rise" layihəsinin ən diqqətçəkən tərəfi onun şəhərin nəqliyyat sistemi ilə inteqrasiyasıdır. Bina "Metrorrey 4-cü xətti" ilə birbaşa əlaqəli olacaq. Sərnişinlər binanın içindən keçən metro xətti vasitəsilə mənzil başına çata biləcəklər ki, bu da dikey şəhərsalmanın gələcək modelidir.

Monterrey kimi həm küləkli, həm də zəlzələ riski olan bir bölgədə 500 metrə yaxın bina tikmək böyük texniki hazırlıq tələb edir:

Binanın mərkəzində külək yüklərini və sarsıntıları udan xüsusi konstruktiv nüvə yerləşir.

Layihə LEED Silver və WELL kimi ekoloji sertifikatlara malikdir ki, bu da binanın enerjiyə qənaət edən və ekoloji təmiz olduğunu göstərir.

Nuevo-Leon rəhbərliyi bu memarlıq şahəsərini Meksikanın ev sahibliyi edəcəyi 2026-cı il FIFA Dünya Kuboku turnirinə qədər bitirməyi hədəfləyir. Məqsəd turnirə gələn turistləri Latın Amerikasının ən yüksək terrasında qarşılamaqdır.

Lalə Qüdrətova
Milli.Az