Mədəniyyət

Bakıda ilk dəfə tanınmış israilli musiqiçi Avi Avitalın konserti olacaq

7 Sentyabr 2022 17:25

Baxış: 1 649

VTB-də minimal faiz dərəcəsi ilə nağd kredit 9.9%-dən

Oktyabrın 22-si, saat 20.00-da Müslüm Maqomayev adına Azərbaycan Dövlət Akademik Filarmoniyasında İsrailin Azərbaycandakı səfirliyinin dəstəyi ilə, Premier LTD konsert agentliyinin təşkilatçılığı ilə tanınmış israilli musiqiçi Avi Avitalın konserti olacaq.

Konsert Azərbaycan və İsrail arasında diplomatik əlaqələrin qurulmasının 30 illiyinə həsr olunub.

Avi Avital Bakıda ilk dəfə çıxış edəcək və bu klassik musiqi həvəskarları üçün xoş sürpriz olacaq. Solisti orkestrin baş dirijoru, Azərbaycanın Əməkdar Artisti Fuad İbrahimovun rəhbərliyi ilə Bakı Kamera Orkestri müşaiət edəcək.

Beynəlxalq müsabiqələr laureatları olan gənc istedadlı musiqiçilərdən ibarət kollektiv Türkiyə, İtaliya, Fransa, Yunanıstan, Belçika və Özbəkistanda uğurla çıxış etmişlər.

Avi Avital mandolində Bax, Vivaldi və digər böyük bəstəkarların əsərlərini ifa edir. O, nüfuzlu beynəlxalq Grammy mükafatına namizəd olan ilk mandolin solistidir. İsraildə nifuzlu Aviv müsabiqəsinin qalibi oldu və Almaniyada ECHO mükafatını aldı. O, alətində liderliyinə görə Andrés Seqoviya ilə, virtuozluğuna görə isə Jascha Heifitz ilə müqayisə edilmişdir.

Canlı ifada ehtiraslı və xarizmatik, dünya mediasına görə, o, mandolin repertuarının canlanması üçün əsas ilham mənbəyidir. Xüsusilə onun üçün məşhur müəlliflərin 100-dən çox müasir əsəri yazılıb.

O, Deutsche Grammophon'un eksklüziv solistidir və həmçinin Naxos və SONY Classical ile əməkdaşlıq etmişdir O, dünya səhnələrində Mehta, Naqano, Conatan Koen, Makqeqan, Koopman, Antonini kimi dünyanın tanınmış orkestrləri və məşhur dirijorları ilə çıxış edir.

İnformasiya dəstəyi - Trend.Az, Day.Az, Milli.Az, Azernews.Az