Dünya

Antonio Quterreş: Qlobal cənubda koronavirus meşə yanğını kimi sürətlə yayılmaqdadır

4 İyul 2021 19:34
0 Şərh     Baxış: 446
VTB-də minimal faiz dərəcəsi ilə nağd kredit 10.49%-dən

Afrikada COVID-19 koronavirusu meşə yanğını kimi sürətlə yayılır. Bu, virusun vaksinlərə davamlı yeni mutasiyalarının yaranmasına səbəb ola bilər.

Milli.Az AZƏRTAC-a istinadən bildirir ki, BMT-nin Baş katibi Antonio Quterreş bu fikri İspaniyaya səfəri çərçivəsində bu ölkənin baş naziri Pedro Sançes ilə birgə mətbuat konfransında söyləyib. Quterreş xəbərdarlıq edib ki, bu vəziyyətdə həm qlobal şimal, həm də qlobal cənub təhlükəyə məruz qalacaq.

BMT rəhbəri deyib: "Artıq 4 milyona yaxın insanı məhv etmiş mikroskopik virus bütün dünyada iqtisadiyyatı ciddi zəiflədib. Biz hələ də bu virusa qalib gələ bilməmişik".

Quterreş vurğulayıb ki, beynəlxalq həmrəylik olmasa, vəziyyətdən çıxmaq qeyri-mümkündür. O xatırladıb ki, hazırda Avropa İttifaqı ölkələrində hər 100 sakinə 67,8 doza vaksin düşdüyü halda, Afrikada bu göstərici 100 sakinə 1,8 dozaya bərabərdir. Bu halda qlobal cənubda koronavirus meşə yanğını sürəti ilə yayılmaqdadır.

BMT rəhbəri bir daha bəyan edib ki, qlobal vaksinləmə planının qəbul edilməsi, vaksin istehsalının azı iki dəfə artırılmasına və vaksinlərin ədalətli bölgüsünə nail olmaq lazımdır.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.