Dünya

İsraildə peyvənd olunan 20 nəfər koronavirusa yoluxub

26 Yanvar 2021 14:36
Baxış: 1 080
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İsraildə koronavirus peyvəndinin ikinci dozası vurulan insanların virusa yoluxma nisbətlərinə dair araşdırmanın nəticələri açıqlanıb.

Milli.Az qafqazinfo-ya istinadən xəbər verir ki, İsrailin Makkabi Səhiyyə Xidməti ölkədə kütləvi vaksinasiyada istifadə olunan "Pfizer/Biontech" peyvəndinin ikinci dozasını alan insanlar arasında infeksiyanın yayılma nisbəti ilə bağlı apardığı araşdırmanın nəticələrini ictimaiyyətlə bölüşüb.

Araşdırmanın nəticələrinə görə, peyvəndin ikinci dozası tətbiq edilən 128 min 600 nəfərdən bir həftə sonra yalnız 20-nin koronavirusa yoluxduğu bildirilir. Bu isə ikinci doza peyvənd olunan şəxslər arasında 0,015 faizlik yoluxma nisbəti deməkdir.

Araşdırmada iştirak edən mütəxəssislərdən biri Anat Ekka Zohar yerli mətbuata verdiyi açıqlamada, virus aşkarlanan 20 nəfərdən heç birində 38.5 dərəcədən yuxarı temperaturun qeydə alınmadığını və onların xəstəxanaya yerləşdirilmədiklərini bildirib.

Zohar bunun peyvənd olunan şəxslərdə yoluxmaya baxmayaraq, peyvəndin xəstəliyin ciddiləşməsinin qarşısını aldığına işarə ola biləcəyini bildirib.

Qeyd edək ki, İsrail Səhiyyə Nazirliyinin məlumatına görə, ölkə üzrə peyvəndlənmənin ilk dozası 2 milyon 637 min 279 nəfərə, ikinci dozası isə 1 milyon 189 min 813 nəfərə tətbiq edilib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.