Söndürülsə belə elektrik sərf edən 8 cihaz

Elektrik xərclərini gizlicə artıran 8 cihaz müəyyən edilib. Mütəxəssislərə görə, evlərdəki "enerji vampirləri" ümumi elektrik sərfiyyatının 23%-nə qədərini təşkil edir. 

Milli.Az söndürülsə belə elektrik sərf edən 8 cihazı təqdim edir:

1. İsitmə cihazları (elektrikli radiator və qızdıricılar) 

Yanğın təhlükəsizliyi hesabatlarına görə portativ elektrik qızdırıcıları ildə təxminən 10 min ev yanğınının səbəbidir. Dijital zamanlama və ya temperatur sensoruna malik modellər söndürülmüş vəziyyətdə belə elektrik çəkməyə davam edir. Mütəxəssislər bu cihazların mütləq elektrik yuvasından çıxarılmasını tövsiyə edir.

2. Fen və saç formalaşdırıcılar

Bu cihazlar söndürüldükdə enerji sərf etməsə də, xüsusilə hamam kimi nəmli mühitdə cərəyanda saxlanması elektrik vurması və qısaqapanma riskini artırır. Elektrik mühəndisləri hər istifadədən sonra cihazın mütləq elektrik yuvasından çıxarılmasını tövsiyə edir.

3. Televizorlar

NRDC-nin ölçmələrinə görə, müasir televizorlar standby rejimində 2-54 watt arasında enerji sərf edir. Xüsusilə az istifadə olunan otaqlardakı televizorlar evin elektrik xərcini lazımsız yerə artırır.

4. Dəsmal qızdırıcıları

Bəzi modellərdə açma-söndürmə düyməsi olmadığı üçün onlar daim elektrik sərf edir. Orta hesabla bir dəsmal qızdırıcısı standby rejimində 140 watt-a qədər enerji çəkə bilər.

5. Oyun konsolları və peyk/kabel qəbulediciləri

Bu cihazlar evdə ən yüksək gizli enerji sərf edən avadanlıqlar arasındadır. Xüsusilə smart TV istifadə edən ailələrdə dekoderin ləğv edilməsi belə xeyli qənaət gətirir.

6. Ev-ofis cihazları (printer, kağız doğrayan və s.)

Printerlər, skanerlər və kağız doğrayıcılar söndürülmüş görünsə də, hazır gözləmə rejimində enerji sərf etməyə davam edir. Bu avadanlıqları elektrikdən ayırmaq illik elektrik xərcini əhəmiyyətli dərəcədə azaldır.

7. Kompüter və noutbuklar

Bir stolüstü kompüterin standby sərfiyyatının illik maliyyəti təxminən 50 dollar edir. Mütəxəssislər cihaz uzun müddət istifadə olunmayacaqsa, xüsusilə səfərlər zamanı tamamilə fişdən çıxarılmasını məsləhət görür.

8. Taymerli mətbəx cihazları

Kofe maşınları, mikrodalğalı sobalar və rəqəmsal saatlı bişirmə cihazları davamlı olaraq az miqdarda elektrik sərf edir. Əgər taymer funksiyası istifadə olunmursa, bu cihazları da elektrikdən çıxarmaq tövsiyə olunur.

Evdə gizli elektrik sərfiyyatını necə azaltmalı?

Enerji effektivliyi üzrə mütəxəssislər aşağıdakı addımları məsləhət görür:

Az istifadə olunan cihazların elektrikdən ayırmaq

Kompüter və oyun konsollarında enerji qənaəti rejimini aktivləşdirmək

"Quick start" kimi əlavə enerji sərf edən funksiyaları söndürmək

Yeni cihaz alarkən standby sərfiyyatı az olan modellərə üstünlük vermək

Telefon və noutbuk adapterlərini boşda elektrikdə saxlamamaq (xüsusilə orijinal olmayan adapterlar daha çox enerji sərf edir)

Mütəxəssislər qeyd edir ki, köhnə elektron cihazlar yeniləri ilə müqayisədə dəfələrlə artıq standby sərfiyyatı yaradır. Buna görə də cihaz yenilənməsi zamanı enerji etiketlərinə diqqət etmək uzunmüddətli qənaət üçün mühüm rol oynayır.

Lalə Qüdrətova
Milli.Az