Amerika

Trampdan Zelenskini qəzəbləndirəcək Ukrayna açıqlaması

23 Noyabr 2025 21:44

Baxış: 2 684

VTB-də minimal faiz dərəcəsi ilə nağd kredit 9.9%-dən

#DONALD TRAMP #RUSİYA-UKRAYNA MÜHARİBƏSİ

ABŞ Prezidenti Donald Tramp Cenevrədə davam edən sülh danışıqları zamanı Ukrayna rəhbərliyini tənqid edərək, "Səylərimizə minnətdarlıq göstərmədilər" deyib. Tramp, müharibənin özünə "miras qaldığını" və əslində Bayden dövründə başladığını vurğulayıb.

Milli.Az xəbər verir ki, Cenevrədə ABŞ, Ukrayna və Avropa nümayəndə heyətləri arasında ABŞ-nin təqdim etdiyi 28 maddəlik sülh planına dair görüşlər davam etdiyi vaxtda, Tramp sosial media hesabından paylaşdığı açıqlamasında Ukrayna rəhbərliyini sərt tənqid edib.

Tramp Rusiya-Ukrayna müharibəsini "şiddətli və dəhşətli" sözləri ilə təsvir edərək bildirib: "ABŞ və Ukrayna daha güclü, daha doğru rəhbərliyə sahib olsaydı, bu müharibə heç vaxt baş verməzdi."

Tramp müharibənin keçmiş prezident Co Bayden dövründə başladığını və vəziyyətin getdikcə daha da ağırlaşdığını qeyd edib. O, özünün hakimiyyətdə olduğu təqdirdə belə bir qarşıdurmanın baş verməyəcəyini iddia edib: "Əgər 2020 seçkiləri radikal sol demokratların bacardığı tək şey olan hiylə və oğurluqla nəticələnməsəydi, Ukrayna-Rusiya müharibəsi olmazdı. Mənim ilk prezidentliyim dövründə belə bir hücumdan söhbət belə getmirdi. Putin əsla hücum etməzdi."

Tramp Ukraynanın ABŞ səylərini qiymətləndirmədiyini bildirib: "Ukrayna rəhbərliyi etdiyimiz heç bir şeyə minnətdarlıq göstərmədi və Avropa hələ də Rusiyadan neft almağa davam edir."

Tramp əlavə edib ki, ABŞ NATO kanalları vasitəsilə Ukraynaya silah satır, lakin Prezident Bayden Ukraynaya "hər şeyi pulsuz verdiyini" iddia edib.

Lalə Qüdrətova
Milli.Az