Maraqlı

Ağcaqanadlara qarşı lazer silahı: Bir gecədə evdəki bütün həşəratları yox etdi

22 Oktyabr 2026 02:02

Baxış: 305

VTB-də minimal faiz dərəcəsi ilə nağd kredit 9.9%-dən

#MARAQLI

Yay aylarında yuxunu ərşə çəkən, sprey və dərmanlara baxmayaraq bitmək bilməyən ağcaqanad kabusuna qarşı elmi-kütləvi filmləri xatırladan qeyri-adi həll yolu tapılıb. Süni intellekt və kompyuter görməsi mütəxəssisi Stiven Çenq evindəki ağcaqanad əlindən bezip qonaq otağı üçün süni intellektlə çalışan lazer müdafiə sistemi hazırlayıb.

Milli.Az xəbər verir ki, mühəndis süni intellekti öyrətmək üçün qeyri-adi üsula əl atıb:

Evdəki ağcaqanadları yüksək keyfiyyətli kamera ilə tək-tək fotoşəkilləndirib geniş məlumat bazası yaradıb.

Beləcə süni intellekt otaqdakı hər hansı zərərsiz həşəratı yox, məhz ağcaqanadları dəqiqliklə ayıırd etməyi öyrənib.

Sistem necə işləyir?
Aşkarlama: Otaqdakı yüksək sürətli kamera mühiti davamlı izləyir.

Hədəfə kilidlənmə: Süni intellekt ağcaqanadı təsbit etdiyi an fırlanan platformaya bərkidilmiş lazere hədəfin koordinatlarını ötürür.

Məhv etmə: Sistem millisaniyələr ərzində hədəfi vuraraq ağcaqanadı anında zərərsizləşdirir.

İnsanlar üçün təhlükəsizdirmi?
Evdə güclü lazerdən istifadə təhlükəsizlik sualları doğurduğu üçün Mühəndis Çenq sistemə ikinci təhlükəsizlik kamerası əlavə edib. Süni intellekt otaqda insan və ya ev heyvanı hərəkəti hiss etdiyi an lazer mexanizmini dərhal söndürür.

Mühəndis bir gecəlik sınaqdan sonra evdə tək bir ağcaqanadın belə qalmadığını bildirib.

Müəllif: Ülkər Vəliyeva (Milli.Az redaktor)