Dünya

Zelenski: “Sülh ləyaqətli olmalıdır”

23 Noyabr 2025 22:01
Baxış: 1 220
VTB-də minimal faiz dərəcəsi ilə nağd kredit 9.9%-dən
#RUSİYA-UKRAYNA MÜHARİBƏSİ

Ukrayna Prezidenti Volodimir Zelenski sosial şəbəkədə yayımladığı növbəti geniş açıqlamasında bildirib ki, müharibəni başlayan Rusiyadır və Moskva onu bitirməkdən imtina edir. O, Rusiyanın yalnız Ukraynaya qarşı deyil, ümumən savaş aparmaq imkanlarını qorumağa çalışdığını vurğulayıb.

Milli.Az xəbər verir ki, Zelenski sülh üçün çalışan çoxsaylı ölkələrə dərin təşəkkürünü ifadə edib. ABŞ-yə, amerikalılara və şəxsən Prezident Trampa göstərilən yardım üçün minnətdarlığını bildirib. Prezident həmçinin Avropadan və G20-dən dəstək verən dövlətlərə təşəkkür edərək qeyd edib: "Bu dəstəyin qorunub saxlanılması vacibdir."

Lakin Zelenskinin sözlərinə görə, əsas məqsəd yaddan çıxmamalıdır: Rusiyanın müharibəsini dayandırmaq və onun bir daha alovlanmasına imkan verməmək. O deyib: "Buna nail olmaq üçün sülh ləyaqətli olmalıdır."

Prezident bildirib ki, bu mübarizə Rusiya üçün sadəcə ərazi uğrunda savaş deyil, müharibə aparmaq və başqalarını özünə tabe etdirmək "hüququ" məsələsidir.

"Sülhə aparan hər bir maddə, hər bir addım üzərində bu qədər diqqətlə çalışmağımızın səbəbi də budur. Hər şey doğru şəkildə həll olunmalıdır ki, bu müharibə həqiqətən bitsin və bir daha təkrarlanmasın," - deyə Zelenski sonda ABŞ-a və bütün tərəfdaşlara bir daha təşəkkür edib.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.