Dünya

Pompeo Mərkəzi Asiya ölkələrinin XİN rəhbərləri ilə ərzaq təhlükəsizliyini müzakirə edib

1 İyul 2020 09:19
Baxış: 421

ABŞ dövlət katibi Mayk Pompeo Mərkəzi Asiya ölkələrinin XİN rəhbərləri ilə pandemiya fonunda regional ərzaq təhlükəsizliyinin təmin edilməsini müzakirə edib.

Trend-in "TASS"a istinadən verdiyi məlumata görə, bu barədə ABŞ Dövlət Departamentinin mətbuat xidmətindən bildiriblər.

Məlumatda deyilir: "ABŞ dövlət katibi Qazaxıstan, Qırğızıstan, Tacikistan, Türkmənistan və Özbəkistan xarici işlər nazirləri ilə birlikdə "C5+1" formatında yüksək səviyyəli virtual dialoqda iştirak edib. Dövlət katibi təhlükəsizlik sahəsində ortaq maraqlar, o cümlədən Əfqanıstanda sülh naminə ABŞ-ın bu diplomatik platformaya, həmçinin regional əlaqələrə və ticarətə sadiqliyini bir daha təsdiqləyib".

M.Pompeo ABŞ-ın Orta Asiya ölkələrinin müstəqilliyini, suverenliyini və ərazi bütövlüyünü dəstəklədiyini qeyd edib: "Dövlət katibi pandemiya fonunda regional ərzaq təhlükəsizliyinin təmin edilməsi üçün ABŞ-ın Orta Asiya ölkələrinin iqtisadi dayanıqlığının və əlaqələrinin gücləndirilməsi üzrə səylərini vurğualyıb".

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.