PUL
.jpg)
.png)
.jpg)
.jpg)
.jpg)
Bu günlərdə Almaniyanın Aşağı Saksoniya federal əyalətində qeyri-səciyyəvi hal baş verib.
Milli.Az AZƏRTAC-a istinadən bildirir ki, Almaniya hakimiyyət orqanları Milad bayramı ilə əlaqədar 1200 məhbusa əfv elan ediblər. Lakin üç nəfər onlara təqdim olunan azadlığa çıxmaq fürsətindən imtina edib. Onlar vaxtından əvvəl həbsxananı tərk etməyi bilərəkdən istəməyib və müddətləri başa çatanadək bu divarlar arasında qalmaq qərarına gəliblər. Onları bu addımı atmağa nəyin vadar etdiyi məlum deyil. Buna səbəb həbsxanada bayram şamını gözləmələri, azadlıqda olarkən yaxınlarına hədiyyə ala bilmədiklərinə görə xəcalət çəkmələri, yaxud ailə üzvləri ilə görüşməyi arzulamamaları və s. ola bilər.
Almaniyada belə xoşməramlı tədbirlər hər ilin sonunda həyata keçirilir. "Welt" qəzetinin yaydığı məlumata görə, bu il 1200 məhbusa bayramları evdə, doğma insanlar ətrafında qarşılamaq fürsəti verilib. Hakimiyyət orqanları hesab edirlər ki, bu addım onların yenidən cəmiyyətə inteqrasiyasına yardımçı olacaq.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.jpg)
.jpg)
