PUL
Dünyanın ən varlı şəxsi hesab edilən amerikalı iş adamı İlon Maskın narkotik maddələrdən istifadə etdiyi barədə yeni iddialar gündəmə gəlib.
Milli.Az xəbər verir ki, "The New York Times" nəşrinin yazdığına görə, Mask xüsusilə ABŞ-da keçmiş prezident Donald Trampın seçki kampaniyası dövründə narkotik maddələrə daha çox meyl edib.
Mənbənin məlumatına əsasən, 53 yaşlı milyarder ketamin, ekstazi və psixotrop göbələklər də daxil olmaqla bir neçə maddədən istifadə edir. Maskın bu səbəbdən emosional dalğalanmalar yaşadığı, aqressiv davrandığı və sağlamlıq problemləri ilə üzləşdiyi iddia olunur.
İddialara görə, o, bəzən ketamini gündəlik qəbul edir, onu digər maddələrlə qarışdırır və özəl tədbirlərdə müxtəlif qadağan olunmuş maddələrdən istifadə edir.
İlon Mask isə daha əvvəl ketaminin bəzi hallarda həkimlər tərəfindən depressiyanın müalicəsi üçün təyin edildiyini bildirib və qeyri-qanuni narkotiklərdən istifadə etdiyi barədə iddiaları təkzib edib.
Fidan
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
