Dünya

Tramp 1600 nəfəri əfv etdi

21 Yanvar 2025 13:26
Baxış: 1 045
VTB-də minimal faiz dərəcəsi ilə nağd kredit 9.9%-dən
#DÜNYADA #ABŞ #DONALD TRAMP

ABŞ Prezidenti Donald Tramp andiçmə mərasimindən sonra Kapitoliya binasına hücum edən 1500-dən çox şəxsi əfv etdiyini açıqlayıb.

Milli.Az CNN-ə istinadən xəbər verir ki, əfv fərmanı yalnız cəza müddətinin qısaldılmasını deyil, həm də tam azadlığa buraxılma və cinayət işlərinin bağlanması kimi hüquqi tədbirləri də əhatə edir.

Ümumilikdə, təxminən 1600 nəfər bu qərardan faydalanıb.

Əfv edilən şəxslər arasında "Proud Boys" və "Oath Keepers" kimi ultra-sağ təşkilatların 14 lideri də yer alır. Onlar qiyama çağırış etməkdə ittiham olunurlar və adları Ağ Evin rəsmi saytında dərc edilən sənəddə açıqlanıb.

Bu qərar ABŞ vətəndaşları arasında böyük mübahisələrə səbəb olub. 

Xatırladaq ki, 6 yanvar 2021-ci ildə, etirazçılar Kapitoliya binasına hücum edərək, 2020-ci il prezident seçkilərinin nəticələrinin ləğv edilməsini tələb etmişdilər. Bu hücum nəticəsində ümumilikdə 1270 nəfərə ittiham hökmləri çıxarılıb və təxminən 80%-i günahlarını etiraf edərək mühakimə olunub.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.