Dünya

İordaniya əsrlərdir insanları qorxuda saxlayan təhlükəli xəstəlikdən xilas olan ilk ölkə oldu

20 Sentyabr 2024 23:04

Baxış: 421

İordaniya Krallığı bəşəriyyətin ən qədim və qorxunc xəstəliklərindən biri sayılan cüzamdan tamamilə xilas olan ilk ölkə kimi tarixə düşüb.

Milli.Az oxu.az-a istinadən xəbər verir ki, Ümumdünya Səhiyyə Təşkilatı (ÜST) bununla bağlı bəyanat yayıb.

Bildirilir ki, "mycobacterium leprae" bakteriyası tərəfindən törədilən bu xəstəlik dəri, periferik sinirlər, selikli qişalar və gözləri zədələyərək ağır deformasiyalara və əlilliyə səbəb olur.

Xəstəlik müalicə oluna bilər və erkən müdaxilə əlilliyin qarşısını ala bilər.

Cüzam, həmçinin lepra kimi tanınan xəstəlik əsrlər boyu milyonlarla insanın əzab çəkməsinə və damğalanmasına səbəb olub. İordaniya cüzamla aktiv mübarizəyə hələ XX əsrin ortalarında başlayıb. Effektiv skrininq, müalicə və profilaktika proqramları sayəsində son 20 ildə ölkədə xəstəliyin heç bir yeni halı qeydə alınmayıb.

Milli.Az
Xəbərlərimizi WhatsApp kanalımızdan da oxuyun