Dünya

Belarus deputatı Ermənistandakı səfirlikdə baş verən insidenti şərh edib

22 Avqust 2024 00:34

Baxış: 1 024

VTB-də minimal faiz dərəcəsi ilə nağd kredit 10.49%-dən

#BELARUS #ERMƏNİSTAN

Belarusun Ermənistandakı səfirliyi qarşısında keçirilən aksiya ermənilərin demoqrafik fəlakət yoluna getdiklərindən xəbər verir.

Milli.Az report.az-a istinadən xəbər verir ki, bunu Belarus Milli Assambleyasının Nümayəndələr Palatasının (parlamentin aşağı palatası - red.) deputatı, "Belaya Rus" partiyasının sədri Oleq Romanov ONT telekanalına şərhində deyib.

"Bu, demoqrafik fəlakət yoludur, çünki Ermənistan cəmiyyəti parçalanır, ölkə isə demoqrafik potensialını itirir", - o vurğulayıb.

Xatırladaq ki, avqustun 21-də Belarusun Ermənistandakı səfirliyi qarşısında etiraz aksiyası keçirilib və nümayişçilər səfirliyin binasına pomidor, yumurta və kartof atıblar.

Bundan sonra Ermənistanın Minskdəki müvəqqəti işlər vəkili Narek Tiraturyan Belarus Xarici İşlər Nazirliyinə çağırılıb və ona "Ermənistan hüquq-mühafizə orqanlarının bunun qarşısını almaq üçün açıq-aşkar kifayət qədər tədbirlər görmədiyi" bildirilib.

Milli.Az
Xəbərlərimizi WhatsApp kanalımızdan da oxuyun