Dünya

Bayden İsrailə xəbərdarlıq edib: Qoşunlar Rəfaha daxil olarsa...

9 May 2024 08:05
Baxış: 707
VTB-də minimal faiz dərəcəsi ilə nağd kredit 10.49%-dən

İsrail hərbçiləri Qəzzanın cənubundakı Rəfah şəhərində əməliyyata başlayarsa, ABŞ İsrailə silah tədarükünə son qoyacaq.

Milli.Az report.az-a istinadən xəbər verir ki, bu barədə ABŞ Prezidenti Cozef Bayden CNN-ə müsahibəsində söyləyib.

"Açıq şəkildə bildirdim ki, əgər onlar Rəfaha girsələr - ki hələ Rəfaha girməyiblər - əgər Rəfaha girsələr, silah tədarük etməyəcəyəm", - o deyib.

Hava hücumundan müdafiə kontekstində danışan dövlət başçısı "Dəmir qübbə" baxımından İsrailin təhlükəsizliyini təmin etməyə davam edəcəklərini vurğulasa da, silah və artilleriya mərmisi verməyəcəklərini diqqətə çatdırıb.

Bununla belə, Baydenin fikrincə, İsrail sözügedən münaqişədə qırmızı xətti keçməyib və Rəfahda əməliyyata başlamayıb.

Xatırladaq ki, mayın 5-də "Axios" ABŞ-nin İsrailə sursat tədarükünü dayandırdığını iddia etmişdi.

Milli.Az
​Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.