Dünya

Nüvə bombasına uran toplamaq üçün İrana cəmi bir həftə kifayət edə bilər

6 Mart 2024 21:21

Baxış: 697

#IRAN #ABŞ

İran bir həftə ərzində 25 kiloqram yüksək zənginləşdirilmiş uran ala bilər.

Milli.Az oxu.az-a istinadən xəbər verir ki, bu barədə ABŞ-nin Elm və Beynəlxalq Təhlükəsizlik İnstitutunun (Institute for Science and International Security) xüsusi hesabatında deyilir.

Təhlilçilər bildirirlər ki, İranın uran ehtiyatları və sentrifuqa gücü birləşərək bir ay ərzində yeddi nüvə başlığı istehsal etməyə kifayət edir. Eyni zamanda, uranın ilk zənginləşdirilməsi üçün iranlı fiziklərə cəmi 7 gün lazım olacaq. İzah edilir ki, belə bir ssenari üçün Tehran dörd təkmilləşdirilmiş sentrifuqa kaskadından, əlavə zənginləşdirmə texnologiyasından istifadə etməli və daha çox xammal xərcləməli olacaq.

Ekspertlər xəbərdarlıq edirlər ki, İran Atom Enerjisi üzrə Beynəlxalq Agentlik (AEBA) müfəttişlərinin öz nüvə obyektlərinə girişini məhdudlaşdırmaq qərarına gəlsə, İranın nüvə silahlarının yaradılması gizli şəkildə baş verəcək.

Milli.Az
Xəbərlərimizi WhatsApp kanalımızdan da oxuyun