Dünya

Dünyanın ən kök kişilərindən biri vəfat etdi - FOTO

27 Noyabr 2023 09:51
Baxış: 1 339
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Dünyanın ən kök kişilərindən biri hesab olunan Leonid Andreev dünyasını dəyişib. O, son 5 ildə evdən kənara çıxmayıb.

Milli.Az sfera.az-a istinadən bildirir ki, 60 yaşlı Leonid Andreev Rusiyanın Armizonskoye kəndində yaşayıb. Vaxtilə 70 kiloqram çəkidə güləşlə məşğul olsa da, ölən zaman onun çəkisi 280 kiloqrama çatmışdı. Nə insanlıq adına, nə də peşə etikasına yaraşmasa da, Rusiya mediası daim onu fillə müqayisə edib.

Leonid Andreev arıqlayacağına və həyatını dəyişdirəcəyinə söz verdikdən sonra evində ölü tapılıb. Onun infarkt keçirdiyi məlum olub. Ölümündən bir gün əvvəl Leonid yerli mətbuata yeni planları haqqında danışıb. O, arıqlamaq və həyət evinə köçmək istədiyini bildirib. Bir qədər arıqlamağı bacaran Leonid, daha az yeyib və nişastalı qidalardan uzaq olub. Leonid etiraf edib ki, beş il ərzində o, bütün günü televizorun qarşısında divanda yatıb, qonşular isə evini təmizləmək və ona qulluq etməkdə kömək ediblər.

İki dəfə ailəli olan Leonidin övladı olmayıb.

Qeyd edək ki, Leoniddən daha çox çəkisi olan insanlar var ki, onlardan John Brower Minnoc hal-hazırda 630 kiloqrama çatıb.

Milli.Az

Xəbərlərimizi WhatsApp kanalımızdan da oxuyun

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.