Dünya

Erməni silah alverçisi Moskvada tutuldu

23 Fevral 2023 08:13
Baxış: 549
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

ABŞ vətəndaşı Andre Xaçaturyan Rusiyada silah qaçaqmalçılığına görə 8 il müddətinə azadlıqdan məhrum edilib.

Milli.Az Yenisabah-a istinadla xəbər verir ki, bu qərarı Moskva vilayətinin Ximki məhkəməsi qəbul edib.

2021-ci il dekabrın sonunda Xaçaturyan Los-Anceles-Moskva-İrəvan reysi ilə Los-Ancelesdən İrəvana yola düşüb, bundan sonra hüquq-mühafizə orqanları onu "Şeremetyevo" hava limanında saxlayıblar.

Gömrükçülər saxlanılan zaman ondan patronları olan "Glock 17" markalı döyüş tapançasını götürüblər.

37 yaşlı Xaçaturyan qanunsuz silah alverində (Rusiya Federasiyası Cinayət Məcəlləsinin 222-ci maddəsinin 1-ci hissəsi) və silah qaçaqmalçılığında (Rusiya Federasiyası Cinayət Məcəlləsinin 226.1-ci maddəsinin 1-ci hissəsi) təqsirli bilinib.

Müdafiə tərəfi hava yolu şirkəti tapança olan çantanı yük kimi qəbul etdiyi üçün təqsirləndirilən şəxsə bəraət verilməsini istəyib.

Vəkillərin sözlərinə görə, Xaçaturyan heç bir qanun pozuntusuna yol vermədiyinə əmin olub və baqajından aşkarlanan silahları başqa əşyalarla birlikdə xüsusi olaraq gizlətməyib.

Müdafiəçilər hökmü qeyri-mütənasib hesab edir və ondan apellyasiya şikayəti vermək niyyətindədirlər.

Milliyyətcə erməni olan ABŞ vətəndaşı Andre Xaçaturyan Rusiyada silah qaçaqmalçılığına görə 8 il müddətinə azadlıqdan məhrum edilib. Yenisabah.az "Aysor"a istinadla xəbər verir ki, bu qərarı Moskva vilayətinin Ximki məhkəməsi qəbul edib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.