Dünya

İndi də Almaniya Türkiyədə xilasetmə işlərini dayandırdı

11 Fevral 2023 23:46

Baxış: 5 607

VTB-də minimal faiz dərəcəsi ilə nağd kredit 10.49%-dən

#ZƏLZƏLƏ

Bu gün Almaniyanın Türkiyənin zəlzələ bölgəsində olan iki yardım təşkilatı təhlükəsizliklə bağlı və atışma xəbərlərini əsas gətirərək, xilasetmə əməliyyatını dayandırıb.

Milli.Az axar.az-a istinadən bildirir ki, Almaniya Beynəlxalq Axtarış və Xilasetmə Xidməti və Almaniya Federal Texniki Yardım Agentliyi AFAD-ın vəziyyəti təhlükəsiz olaraq dəyərləndirən kimi işlərinə davam edəcəklərini bildiriblər.

Qeyd edək ki, bundan öncə bənzər elanı daha əvvəl Avstriya Silahlı Qüvvələrinin Fəlakətlərə Yardım Bölməsi tərəfindən verilib.

Avstriya Müdafiə Nazirliyinin sözçüsü Mixael Bauer Tvitter hesabında yazıb ki, Türkiyə ordusu xilasetmə kontingentinin mühafizəsini öz üzərinə götürüb və əməliyyat artıq bərpa olunub.

İsveçrə də Hataydakı təhlükəsizlik vəziyyətini yaxından izlədiyini və buna uyğun olaraq təhlükəsizlik tədbirlərinin gücləndirildiyini bildirib.

Milli.Az