Dünya

Özünə varlı adaxlı tapan qız görün keçmiş sevgilisinə nə etdi

5 Noyabr 2022 05:22

Baxış: 6 180

#HİNDİSTAN

Hindistanda Parassala şəhərindən olan 22 yaşlı Qrişma adlı qız keçmiş sevgilisini zəhərləyib.

Milli.Az bildirir ki, bu barədə "The Times of India" məlumat yayıb.

23 yaşlı Şaron Radj qız ilə təxminən bir il münasibətdə olub, lakin sentyabr ayında sevgilisinin bir hərbçi ilə evlənəcəyini bilib. Qız Racı sakitləşdirib və yalnız onunla evlənəcəyini bildirib, lakin Qrişma özü münasibəti kəsmək üçün səbəb axtarıb.

Kişinin niyyətinin ciddi olaraq qaldığını anlayan qız ona deyib ki, ulduz falına görə, onunla birinci evlənən kişi tezliklə öləcək. Qrişma Radjı əmin edib ki, proqnoz gerçəkləşəndən sonra və birinci əri dünyasını dəyişən kimi onunla evlənəcək. Radj buna inanmayıb, sevgilisi ilə münasibətləri davam etdirmək istəyib və hərbçiyə birgə fotolarını göstərəcəyi ilə hədələyib. Daha sonra istintaqa görə, Qrişma toya müdaxilə edən sevgilisini zəhərləmək qərarına gəlib.

O, kişini qonaq çağırıb və ona müəyyən bir pestisid tökdüyü bir içki verib. Bir neçə gün sonra Radj özünü pis hiss edib və tezliklə orqan çatışmazlığı səbəbindən ölüb. Ölümündən əvvəl o, Qrişmanın onu heç vaxt zəhərləməyəcəyini iddia edərək ondan heç bir halda şübhələnmədiyini bildirib.

Bununla belə, müstəntiqlər Qrişmanın sevgilisini öldürdüyünə dair sübutlar üzə çıxara biliblər. "İstintaqın ilkin mərhələsində əlimizdə heç bir dəlil yox idi, lakin sübut əldə etdikdən sonra iş kriminal şöbəyə təhvil verildi", - Parassala polis idarəsinin rəisi Hemant Kumar deyib.

İrfan Vəliyev
Milli.Az