Dünya

S-300 təxribatını Baydenlə danışacağam - Ərdoğan

10 Sentyabr 2022 16:37
Baxış: 686
VTB-də minimal faiz dərəcəsi ilə nağd kredit 10.49%-dən

Türkiyənin S-400 sistemlərinə etiraz edənlər Yunanıstanın S-300-lərlə etdiyi təxribata səslərini çıxarmadı.

Milli.Az Axar.az-a istinadən xəbər verir ki, bunu Türkiyə Prezidenti Rəcəb Tayyib Ərdoğan deyib.

"Düşünürəm ki, ifadə etdiyim məqamlar və çatdırmaq istədiyim mesaj son dərəcə aydındır. Yunanıstanın son zamanlar Türkiyəyə münasibəti anlaşılmazdır. Bir tərəfdən onların Egey dənizində törətdikləri gərginliklər, digər tərəfdən NATO missiyasını yerinə yetirən təyyarələrimizə qarşı etdikləri təxribatlar. Türkiyənin aldığı S-400 sistemlərinə etiraz edənlər Yunanıstanın S-300-lərlə etdiyi təxribata səslərini çıxarmadı. Hər iki sistem də Rusiyanındır. Ancaq yunanlara bir söz deyən yoxdur. Yunanlar Türkiyəyə yaxın qeyri-hərbi statusa malik adaları silahlandırmağa davam edirlər. Həmçinin, hərbi bazalar da yaradılıb. ABŞ da buna rəhbərlik edir. Birləşmiş Millətlər Təşkilatının Baş Assambleyasında keçirilən sammitdə ABŞ Prezidenti Co Baydenlə görüşmək fürsət olarsa, bu məsələləri müzakirə edəcəyik", - Türkiyə lideri bildirib.

Milli.Az 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.