Dünya

Çində koronavirusa yoluxma artıb, məktəblər distant təhsilə keçib

28 Aprel 2022 08:54

0 Şərh Baxış: 1 047

VTB-də minimal faiz dərəcəsi ilə nağd kredit 10.49%-dən

#KORONAVİRUS

Çin paytaxtının hökuməti şəhərin iki rayonundakı təhsil müəssisələrində COVID-19-un yayılması ilə əlaqədar əyani dərsləri ləğv edib.

"Report" bu barədə "Beijing Daily"ə istinadən xəbər verir.

Söhbət Tonçjou şəhərinin ətrafı və paytaxtın iki mərkəzi rayonundan biri - Xiçenqdən gedir. Tonçjouda orta və ibtidai məktəblərin, eləcə də peşə-texniki məktəblərinin şagirdləri distant təhsilə keçirilib. Uşaq bağçaları da növbəti xəbərdarlığa qədər müvəqqəti bağlanıb.

Əyani dərslərin ləğvi şəhər məktəblərindən birində koronavirusa yoluxma sayının artması ilə bağlıdır.

Aprelin 22-dən indiyədək Çinin paytaxtında COVID-19-a 138 yoluxma halı aşkarlanıb. Şəhərin 12 rayonunda səlahiyyətlilər bütün sakinləri koronavirus üçün test etməyə başlayıblar.

Milli.Az