Dünya

Ukraynada öldürülən jurnalist "New York Times"ın müxbiri deyil - YENİLƏNİB - FOTO

13 Mart 2022 18:52

0 Şərh Baxış: 2 605

VTB-də minimal faiz dərəcəsi ilə nağd kredit 10.49%-dən

18:52

Ukraynada həyatını itirən amerikalı jurnalist Brent Reno "The New York Times" qəzetində işləmir.

Milli.Az report-a istinadən xəbər verir ki, bu barədə nəşrin nümayəndəsi Kliff Levi tviterdə məlumat verib.

"Amerikalı jurnalist Brent Renonun Ukraynada vəfatı xəbərindən çox kədərləndik. Brent istedadlı fotoqraf və kinorejissor idi, lakin o, "New York Times" qəzeti tərəfindən Ukraynaya ezamiyyətə göndərilməyib", - o yazıb.

Onun sözlərinə görə, təqdim edilən akkreditasiya kartı uzun illər əvvəl Renoya verilib.

--------

17:50

Bu gün Kiyev vilayətinin İrpin şəhərində dünyaca məşhur "New York Times" mediasının 51 yaşlı müxbiri güllələnib.

Milli.Az APA-ya istinadən bildirir ki, bu barədə Milli Polisin Kiyev vilayəti üzrə Baş İdarəsinin rəisi Andrey Nebitov məlumat verib.

O, deyib ki, daha bir jurnalist yaralanıb:

"Əlbəttə, jurnalist peşəsi risklər ehtiva edir, lakin ABŞ vətəndaşı Brent Renaud rus ordusunun hiyləsini, qəddarlığını və amansızlığını işıqlandırmaq cəhdini həyatı ilə ödədi".

Bu arada başqa bir amerikalı jurnalist yaralanıb və ona tibbi yardım göstərilir. O, həmkarının öldüyünü hələ bilmir.

Milli.Az