Dünya

Latviyada Rusiya kanallarına baxanlar 700 avro cəzalandırılacaq

11 Mart 2022 19:06

Baxış: 822

VTB-də yüksək depozit faizleri daha çox qazandırır

Latviya parlamenti qadağan olunan Rusiya kanallarına baxmağa görə cəzanı təsdiqləyib.

Milli.Az oxu.az-a istinadən xəbər verir ki, belə pozuntuya görə sakinlər xəbərdarlıq ala, yaxud da 700 avroya (1,3 min manat) qədər cərimələnə bilərlər.

Bu barədə Seymin İnsan Hüquqları və İctimai Əlaqələr Komissiyasının rəhbəri Artus Kaymıniş bəyan edib.

O, Rusiyanın Ukraynaya genişmiqyaslı əməliyyatlarından sonra Latviyanın informasiya məkanını gücləndirmək üçün belə bir addım atıldığını bildirib.

"Təcrübə göstərir ki, insanlar qeyri-qanuni dekoderlərdən və peyk antenalarından istifadə edirlər, beləliklə də hələ də dezinformasiya və Kreml təbliğatı olan telekanallara çıxış imkanına malikdirlər", - deyə Kaymins əlavə edib.

Qeyd edək ki, Latviyada Rusiya və Belarus telekanallarının yayımı qadağan edilib.

Milli.Az