Dünya

Bu ölkə müdafiə potensialını gücləndirir - VİDEO

2 Mart 2022 20:18

0 Şərh Baxış: 1 512

VTB-də yüksək depozit faizleri daha çox qazandırır

Ukraynadakı müharibə fonunda Avstriyanın müdafiə naziri Klaudiya Tanner müdafiə potensialını gücləndirmək istəyir. Planlara Vyana yaxınlığındakı bu yeni təlim bazası kimi infrastrukturun inkişafı, silah və texnologiyaların modernləşdirilməsi daxildir.

Milli.Az Euronews-a istinadən xəbər verir ki, nazir son bir neçə ildə büdcənin artdığını xatırladıb.

"Bu gün bu, ildə 2,71 milyard avrodur - Avstriya üçün tarixi maksimumdur", - Tanner bildirib: "Amma biz özümüzü heç vaxt aldatmamışıq, bu, əlbəttə ki, onilliklər boyu laqeydliyi kompensasiya etmək üçün kifayət deyil".

Avstriya daimi neytral ölkədir və 50-ci illərdən etibarən xarici siyasətini bu xüsusi statusa əsaslanaraq qurur, müharibələrdə və hərbi ittifaqlarda iştirakdan yayınır. Və müdafiəyə az xərcləyir.

Belə ki, digər neytral ölkələr, Finlandiya və İsveç ÜDM-in demək olar ki, yüzdə bir yarımını orduya, Avstriyaya isə 0,6 faizdən çox olmayaraq ayırır.

Köhnə infrastruktur, mütəxəssis çatışmazlığı - bu, hərbi müşahidəçi Martin Rosenkranzın danışdığı problemlərin natamam siyahısıdır. "Son illərdə Avstriya aşağı öldürücü gücə malik silahlara arxalanır", - o dedi.

Bu gün Vyana başa düşür ki, neytrallıq silahsız qalmaq üçün bəhanə deyil. Hökumət hərbi sektora əlavə sərmayə qoyuluşu ilə bağlı fəal məsləhətləşmələr aparır.

Aslan Məmmədov
Milli.Az