Dünya

Məşhur markanın uşaq geyimlərində təhlükəli maddə aşkarlandı - Xərçəng yaradır

25 Noyabr 2025 10:40

Baxış: 1 436

VTB-də minimal faiz dərəcəsi ilə nağd kredit 9.9%-dən

#DÜNYADA #XƏSTƏLİK

"Greenpeace" ekoloji təşkilatının yeni araşdırması "Shein" onlayn mağazasının uşaq geyimləri ilə bağlı narahatedici nəticələr ortaya çıxarıb.

Milli.Az xəbər verir ki, araşdırmaya əsasən, brendin satışa çıxardığı uşaq geyimlərində Avropa Kimyəvi Qaydaları (REACH) tərəfindən müəyyən olunmuş təhlükəsizlik limitlərini aşan kimyəvi maddələr aşkar edilib.

Sınaqdan keçirilmiş 56 məhsuldan 18-i (32%) normanı aşan zərərli maddələr ehtiva edib.Hesabata görə, Shein geyimlərində aşkarlanmış kimyəvi maddələr arasında aşağıdakılar da var:

Ftalatlar - plastiki yumşaltmaq üçün istifadə olunur

PFAS ("əbədi kimyəvi maddələr") - su və ləkəyə davamlılıq üçün istifadə olunur, lakin təbiətdə parçalanmır

Bu maddələrin xərçəng, reproduktiv pozuntular, uşaqlarda inkişaf problemləri və immun sisteminin zəifləməsi kimi ciddi xəstəliklərlə əlaqəsi elmi şəkildə sübut edilib.

"Shein" açıqlama yayaraq məhsul təhlükəsizliyinə ciddi yanaşdıqlarını bildirib. Şirkət "Greenpeace"in təqdim etdiyi nəticələri hələ müstəqil şəkildə təsdiqləmədiklərini, lakin ehtiyat tədbiri olaraq sözügedən məhsulların bütün bazarlardan yığışdırıldığını qeyd edib.

Fidan
Milli.Az