Ölkə

AZAL-ın təyyarə qəzasının təhqiqatı ilə bağlı məlumatlar bu tarixdə açıqlanacaq

25 Noyabr 2025 11:01

Baxış: 1 371

VTB-də minimal faiz dərəcəsi ilə nağd kredit 9.9%-dən

#QAZAXISTAN #AZAL-IN TƏYYARƏ QƏZASI

Qazaxıstan hakimiyyəti 2025-ci ilin sonuna qədər Aktau hava limanı yaxınlığında qəzaya uğrayan Azərbaycan Hava Yolları (AZAL) təyyarəsinin təhqiqatı ilə bağlı məlumat verəcək.

Milli.Az xəbər verir ki, bu barədə Qazaxıstanın nəqliyyat nazirinin müavini Maksat Kaliakparov jurnalistlərlə keçirdiyi brifinqdə məlumat verib.

Onun sözlərinə görə, faciə ilə bağlı araşdırmalar davam edir, kompleks məhkəmə-tibbi ekspertizaları aparılır. Kaliakparov qeyd edib ki, iş mürəkkəbdir. Nazir müavini bildirib ki, araşdırma başa çatdıqdan sonra, əvvəlki kimi, tam hesabat da aidiyyəti tərəflərə təqdim olunacaq. Lakin o, konkret tarix deyə bilməyib.

Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi ötən il dekabrın 25-də Qazaxıstanın Aktau şəhəri yaxınlığında qəzaya uğrayıb. Təyyarədə 37-si Azərbaycan, 16-sı Rusiya, 6-sı Qazaxıstan və 3-ü Qırğızıstan vətəndaşı olmaqla 62 sərnişin, həmçinin 5 nəfər ekipaj üzvü olub. Qəza nəticəsində 38 nəfər həlak olub, üç uşaq daxil olmaqla 29 nəfər sağ qalıb. /"Unikal"

Milli.Az