Dünya

Türkiyənin Azərbaycanla sərhədində bəbir görünüb - VİDEO

11 Yanvar 2022 08:27
0 Şərh     Baxış: 1 518

Türkiyənin Azərbaycan, habelə İran və Ermənistanla həmsərhəd olan İğdır əyalətində bəbir görünüb.

Milli.Az "Report"a istinadən bildirir ki, təhlükəsizlik kameralarına əks olunan görüntüləri İğdırın bələdiyyə rəhbəri Mustafa Güzelkaya sosial şəbəkədə paylaşıb. Bu bəbirin təxminən bir ay əvvəl eyni bölgədə görülən heyvandan fərqli olduğu güman edilir.

Koç Universitetinin professoru Çağan Şekercioğlu bəbirin yayılma arealının İğdır əyaləti sərhədindən 15 kilometr uzaqlıqda bitdiyini deyib. "Bəbir Azərbaycan, o cümlədən Naxçıvan, eləcə də Ermənistana qədər gedən heyvandır. Gürcüstan və İranda müntəzəm olaraq görünür. Bölgədə bəbirlərin yayılmasını gözləyirdik", - deyib.

O, bildirib 2017-ci ildə hazırladığı "İğdır məməliləri" siyahısında bəbir də bölgədə gözlənilən növ olaraq yer alıb.

Qeyd edək bir aylıq fasilədən sonra yenidən görünən bəbir dünyada nəsli kəsilmək təhlükəsi ilə üzləşən heyvanlardandır.

Milli.Az

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.