Dünya

Naməlum şəxs Cənubi Koreyadan Şimali Koreyaya qaçıb

2 Yanvar 2022 11:10
0 Şərh     Baxış: 787
VTB-də minimal faiz dərəcəsi ilə nağd kredit 10.49%-dən

Naməlum şəxs şənbə günü Qanqvon əyalətinin şərq hissəsindəki maneələri keçərək Cənubi Koreyadan Şimali Koreyaya qaçıb.

Milli.Az APA-ya istinadən bildirir ki, bu barədə "Ryenhap" agentliyi Koreya Respublikası ordusuna istinadən məlumat yayıb.

Bildirilib ki, şənbə günü saat 21.20-də (Bakı vaxtı ilə 16.20) xüsusi texnika silahsızlaşdırılmış zonada bir nəfərin olmasını izləyib. Onun kimliyini müəyyən etmək mümkün olmayıb.

Həmin şəxsi ələ keçirmək üçün hərbçilər göndərilib. Demilitarizasiya zonasında keçirilən əməliyyat zamanı məlum olub ki, naməlum şəxs təxminən yerli vaxtla saat 22.40-da hərbi demarkasiya xəttini keçib və Şimala qaçıb.

Bazar günü səhər Cənubi Koreya hərbçiləri Şimala rabitə xətti vasitəsilə insident barədə bildiriş göndərib. Şimali Koreya ordusunda heç bir xüsusi hərəkətlənmə olmayıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.