PUL
.jpg)
.png)
.png)
.jpg)
.jpg)
Bakıda və Abşeron yarımadasında son günlər ərzində tozlu hava şəraiti müşahidə olunur.
Milli Hidrometeorologiya Xidmətindən Milli.Az-a verilən məlumata görə, havada tozun miqdarı normadan əhəmiyyətli dərəcədə yüksəkdir.
Xidmətin avtomatik monitorinq stansiyalarından əldə edilən göstəricilərə əsasən, hazırda atmosferdəki toz konsentrasiyası sanitar norma ilə müqayisədə 1,3-1,4 dəfə artıqdır. Bu isə hava keyfiyyətinin azalması və bəzi həssas qruplar üçün sağlamlıq riski anlamına gəlir.
Mütəxəssislərin bildirdiyinə görə, müşahidə olunan toz təbii xarakter daşıyır və "transsərhəd mənşəli" sayılır. Yəni, toz hissəcikləri ölkə ərazisinə yerli deyil, uzaq coğrafiyalardan əsasən şərq və cənub istiqamətindən gələn küləklər vasitəsilə daxil olub. Belə hallarda Orta Asiya və ya Yaxın Şərq mənşəli tozlar regiona təsir göstərə bilər.
Meteoroloqların proqnozuna əsasən, tozlu hava şəraiti yaxın iki gün ərzində də davam edə bilər. Bu dövrdə xüsusilə tənəffüs yolu problemi olan şəxslərə, yaşlılara və uşaqlara açıq havada uzun müddət qalmaq tövsiyə edilmir.
Qeyd edək ki, bu cür tozlu hava şəraitləri təkcə görünüşü deyil, eyni zamanda nəfəs alma keyfiyyətini və ümumi ekoloji tarazlığı da təsirləndirə bilər.
Asya
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.png)
