Sağlamlıq

Diş ağrısı deyib keçməyin – Vacib xəbərdarlıq

31 May 2025 23:16
Baxış: 1 519
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #XƏSTƏLİK

Üz ağrısı, çənədə uyuşma və danışma çətinliyi kimi simptomlar bəzən Dağınıq Skleroz (MS) xəstəliyinin ilk əlamətləri ola bilər.

Milli.Az xəbər verir ki, Türkiyədə bu xəstəliklə təxminən 80 min insan mübarizə aparır və əlamətlərin erkən aşkarlanması həyati əhəmiyyət daşıyır.

Dosent Doktor Nurettin Diker bildirib ki, bəzi hallarda MS ilk olaraq beyindən deyil, ağız və çənə nahiyəsindən özünü göstərir:

"Üz ağrısı, çənədə uyuşma, udma və danışma çətinliyi kimi şikayətlərlə bizə müraciət edən xəstələrdə əslində MS-in ilkin əlamətləri müşahidə edilir. Təəssüf ki, bu hallar bəzən illərlə düzgün diaqnoz qoyulmadığı üçün müalicə gecikir", - deyə mütəxəssis qeyd edib.

Dikerin sözlərinə görə, diş həkimləri də bu əlamətləri fərq edərək erkən diaqnoz üçün həkimə yönləndirə bilərlər. MS xəstələrində diş əti xəstəlikləri və kariyes riski daha yüksək olur ki, bu da yalnız ağız sağlamlığını deyil, ümumi sağlamlığı da təhdid edir.

"Əgər ağızda boşluq olmadığı halda üzdə bıçaqlanma kimi ağrılar hiss edilirsə, bu sinir mənşəli ola bilər və MS ehtimalı nəzərdən keçirilməlidir", - deyə o əlavə edib.

Mütəxəssis onu da vurğulayıb ki, MS-in müalicəsində istifadə edilən bəzi dərmanlar (antidepresanlar, antikonvulsanlar, kortikosteroidlər və s.) ağızda quruluq, dad itkisi, yanma hissi və digər xoşagəlməz təsirlərə səbəb ola bilər. Bu səbəbdən MS xəstələrinin diş müalicələri səhər saatlarına planlaşdırılmalı və qısa müddətli aparılmalıdır.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.