PUL
.jpg)
.jpg)
.jpg)
.png)
FİDE şahmatçıların yeni reytinq cədvəlini açıqlayıb.
Milli.Az apasport.az-a istinadən bildirir ki, mart reytinqində ötən siyahı ilə müqayisədə bəzi dəyişikliklər olub.
100 ən yaxşı arasında Azərbaycanın 6 kişi və 3 qadın şahmatçısı yer alıb.
Millimizin liderlərindən Şəhriyar Məmmədyarov bir pillə irəliləyib. 2770 xala malik qrossmeysterimiz 8-cidir. Ondan 5 xal geri qalan Teymur Rəcəbov 10-cu yerdə qalıb.
Hərəyə 1 pillə geriləyən Qədir Hüseynov 2665 xalla 72-ci, Nicat Abbasov 2664 xalla 75-ci sırada qərarlaşıb. Ondan 10 xal az toplayan Rauf Məmmədov 3 addım geriləyərək 90-cı yerə yüksəlib. Yığmamızdan ayrılmasına baxmayaraq, hələ də Azərbaycan təmsilçisi kimi göstərilən Arkadi Naydiç 2649 xalla 1 pillə yüksələrək 95-cidır.
Siyahıda ilk "üçlük" dəyişməyib. Maqnus Karlsen (Norveç, 2847) birinci, Fabiano Karuana (ABŞ, 2820) ikinci, Dinq Liren (Çin, 2791) üçüncüdür.
Qadın şahmatçılar sırasında isə 3 həmyerlimiz yer alıb. Yığma üzvlərindən Günay Məmmədzadə 1 pillə geriləyərək 2443 xalla 29-cu yerə yuvarlanıb. Bir pillə irəliləyən Gülnar Məmmədova (2382) 79-cudur. Ondan 6 xal geri qalan Xanım Balacayeva 89-cu sırada qalıb.
Qadın zəka sahiblərinin cədvəlində Yifan Hou (Çin, 2658) liderliyini qoruyub. Aleksandra Qoryaçkina (Rusiya, 2593) ikinci, Humpi Koneru (Hindistan, 2586) üçüncüdür.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.png)
.jpg)
.jpg)
.png)
.jpg)
