İdman

"Qəbələ"dən ikinci transfer

15 İyun 2019 21:33
0 Şərh     Baxış: 641

2019-2020-ci illər mövsümünün transfer çalışmalarını davam etdirən "Qəbələ" heyətinə daha bir futbolçu qatıb.

Milli.Az klubun saytına istinadən bildirir ki, "qırmızı-qaralar" Sadiq Quliyevlə 1 illik müqavilə imzalayıb. "Qəbələ" Futbol Akademiyasının yetirməsi olan 24 yaşlı müdafiəçi 2020-ci ilə qədər komandanın formasını geyinəcək.

Sadiqin Premyer Liqada ilk klubu "Qəbələ" olub. O, 2012-15-ci illərdə, həmçinin 2016/17 mövsümündə "qırmızı-qara" forma geyinib. Müdafiəçi bu müddətdə 13 çempionat, 3 kubok və 1 avrokubok matçında iştirak edib. "Qəbələ"dən başqa yalnız "Zirə"də çıxış edən Sadiq 2015/16 mövsümündə və 2016-19-cu illərdə paytaxt təmsilçisində çıxış edib. O, Premyer Liqada ümumilikdə 74 oyun keçirib. Müdafiəçi Azərbaycanın U-17, U-19, U-21 və U-23 yığmalarının da heyətində forma geyinib.

Xatırladaq ki, "Qəbələ" bunadək Kamal Mirzəyevlə müqavilə imzalayıb.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.