İdman

Dünya çempionumuzdan “Braqa” - “Qarabağ” matçına dəqiq hesab - VİDEO

15 Fevral 2024 20:12

Baxış: 972

VTB-də minimal faiz dərəcəsi ilə nağd kredit 10.49%-dən

#AZƏRBAYCAN FUTBOLU

"Matç səfərdə olacağından "Qarabağ" üçün çətin olacaq".

Milli.Az xəbər verir ki, bunu "İdman Bizdə" verilişinin qonağı olan Azərbaycan millisinin yunan-Roma güləşçisi Eldəniz Əzizli deyib.

Futbol azarkeşi olan 3 qat dünya çempionu "Qarabağ"ın Avropa Liqasının pley-offunda "Braqa" ilə matçı üçün təxminlərini açıqlayıb. Əzizlinin sözlərinə görə, portuqaliyalıların ölkə çempionatının hesabat turunda "Sportinq"ə 0:5 hesabı ilə uduzmasının bu görüşə təsiri olmayacaq: "Böyükhesablı məğlubiyyətdən sonra rəqibin bu görüşə köklənə bilməyəcəyini düşünmürəm. Əksinə, yaxşı köklənəcəklər. Çünki tarixi olan, uğurlar qazanmış bir klubdur. "Qarabağ" üçün səfər oyunu nisbətən çətin olacaq. Amma Bakıdakı oyunda təmsilçimizin qələbə qazanacağını fikirləşirəm".

Güləşçimiz hətta Braqada təşkil olunacaq görüşə dəqiq hesab da deyib: "Onlar ev sahibi olsalar da, "Qarabağ"ın yetəri qədər təcrübəsi var. Matç 1:1 və ya 2:1 hesabı ilə bitə bilər. Amma birinci variantıma - heç-heçəyə daha çox inanıram. Ümid edək ki, Qurban Qurbanovun komandası mərhələni keçəcək".

Qeyd edək ki, "Braqa" - "Qarabağ" matçı bu gün saat 00:00-da start götürəcək.

Milli.Az
Xəbərlərimizi WhatsApp kanalımızdan da oxuyun